تتمرن من شهور
وما تشوف نتيجة؟
برنامج تمرين متدرج للمبتدئ لمدة 90 يوم. كل تمرين باسمه وطريقته وفيديو يوضحه. ومعه كتاب أكل يحسب لك رقمك بالضبط، عشان تعبك في الصالة يبان.
- 48 حصة تمرين في 3 مراحل
- 33 تمرين بفيديو
- كتاب أكل 87 صفحة
- يوصلك على إيميلك فورا
تعبك في الصالة يضيع
- تدخل الصالة وما تدري وش بتسوي اليوم
- تشوف الأجهزة وما تعرف كيف تضبطها
- تشيل نفس الأوزان من شهور وما تعرف كيف تزيد
- تاكل "صحي" والميزان واقف
- تبدأ متحمس وتوقف بعد أسبوعين
ما ينقصك تعب، ينقصك ترتيب
وهذا اللي سويناه لك
90 يوم، ثلاث مراحل
كل مرحلة 4 أسابيع، وتبني على اللي قبلها. تبدأ بالأجهزة وتتعلم الحركات، وتنتهي وأنت تشيل الأوزان الحرة بثقة.
التأسيس
3 أيام بالأسبوع · 12 حصةتمرين للجسم كامل. تتعلم الحركات صح، وتعود جسمك على الحديد.
البناء
4 أيام بالأسبوع · 16 حصةعلوي وسفلي. تدخل البنش والسكوات، وكل عضلة تتمرن مرتين بالأسبوع.
التقسيم
5 أيام بالأسبوع · 20 حصةدفع وسحب وأرجل. جولات أكثر لكل عضلة، وأوزان تطلع أسبوع بعد أسبوع.
- اسم التمرين رابط لفيديو. تضغط عليه في الصالة ويوريك الحركة. ولو طبعت البرنامج، صور الكود بجوالك.
- رسمة توضح العضلة اللي تشتغل، عشان تحس فيها وأنت تتمرن.
- الطريقة بثلاث خطوات بالعربي، وأشهر غلطة عشان تتجنبها.
- بديل لو الجهاز مشغول، وهو بعد بفيديو.
- الجولات والتكرار والراحة واضحة، وخانات تكتب فيها وزنك كل أسبوع.
- صفحات للإحماء ونصايح المبتدئ، وكيف تزيد أوزانك بدون ما تدوخ.
صفحات من البرنامج والكتاب
وكتاب الأكل معه، لأن التمرين لحاله ما يكفي
- افهم جسمكتحسب سعراتك بالآلة الحاسبة خطوة خطوة، وتعرف تنشف ولا تضخم، ومتى تحتاج قياس InBody.
- المطبختحسب صحنك حتى لو أهلك طبخوا للبيت كله، وتطبخ دجاج ما ينشف.
- يومكوجبات من المطعم والسوبرماركت بدون طبخ، وأشهر الأكلات بأرقامها، والعزايم والسفر.
- خطتككيف تكمل لما يروح الحماس، والمكملات اللي تنفع، وأشهر إشاعات الصالة وحقيقتها.
- الخطة الجاهزة4 خطط وجبات من 1800 لين 3000 سعرة، و20 وصفة بسعراتها.
كل رقم له مصدر
الأرقام محسوبة من قاعدة بيانات وزارة الزراعة الأمريكية، والبرنامج والنصائح مبنية على دراسات منشورة، ومراجعها مكتوبة في آخر الفصول. ومن المصادر اللي رجعنا لها:
- USDA FoodData Central
- الكلية الأمريكية للطب الرياضي ACSM
- الجمعية الدولية للتغذية الرياضية
- المجلة البريطانية للطب الرياضي
- المعهد الوطني البريطاني للصحة NICE
لك أو مو لك
لك لو
- تبدأ في الصالة أو رجعت لها بعد انقطاع
- تتمرن ومو شايف نتيجة تستاهل تعبك
- تبي جدول واضح بدل ما تخترع تمرينك كل يوم
- تبي تعرف وش تاكل بدون حمية قاسية
مو لك لو
- تدور نتيجة في أسبوعين
- ما عندك نادي فيه أجهزة ودمبلز
- عندك إصابة أو حالة صحية تحتاج متابعة طبيب
اختار اللي يناسبك
برنامج 90 يوم + كتاب الأكل
- برنامج تمرين 90 يوم: 48 حصة في 3 مراحل
- 33 تمرين بفيديو ورسمة عضلات وبديل
- كتاب الأكل كامل هدية (87 صفحة)
- للجوال وللطباعة، ويوصلك على إيميلك فورا
- ضمان 7 أيام ترجع فيه فلوسك كاملة
كتاب الأكل لحاله
- 21 فصل في 87 صفحة
- حساب سعراتك خطوة خطوة
- 4 خطط وجبات و20 وصفة
- جداول متابعة وقائمة مشتريات
دفع آمن ومشفر بالبطاقة أو Apple Pay أو Google Pay أو PayPal
قبل ما تشتري
كيف يوصلني البرنامج؟
أول ما تدفع يوصلك رابط التحميل على إيميلك.
تفتحه على جوالك، وتضغط اسم التمرين في الصالة يطلع لك الفيديو.
الفيديوهات بالإنجليزي؟
الفيديو يوريك الحركة نفسها، والشرح العربي خطوة خطوة مكتوب في بطاقة كل تمرين.
أنا ما قد دخلت صالة، يناسبني؟
إيه، هو مصمم لك.
الشهر الأول أغلبه أجهزة سهلة، وفيه صفحات للإحماء وكيف تضبط الأجهزة وتختار وزنك.
يناسب البنات؟
إيه.
نفس الحركات تنفع للاثنين، وكتاب الأكل فيه حساب السعرات للرجال وللنساء.
أقدر أطبعه؟
إيه.
الخلفية بيضاء والمقاس A4، وكل تمرين له كود تصوره بجوالك يفتح الفيديو.
لازم أشتري مكملات؟
لا.
البرنامج والكتاب مبنيين على الأكل العادي، وفيه فصل يقول لك أي المكملات عليها أدلة لو حبيت.
كيف أدفع؟
بالبطاقة أو Apple Pay أو Google Pay أو PayPal.
دفعة وحدة بالدولار، وبطاقتك تحولها لعملتك تلقائيا، وما فيه أي اشتراك.
وش يطلع في كشف حسابي؟
يطلع LEMSQZY* MUNTAQA.
هذي شركة الدفع اللي نستخدمها، وهي تابعة لشركة Stripe.
لو ما فادني؟
عندك 7 أيام.
راسلنا وترجع لك فلوسك كاملة.